獨家丨方駿釗監製冇否認祥仔雯女拍《巾幗4》 外界對中醫多誤解拍《大夫》助消除方駿釗監製新劇,蔡思貝、何廣沛、吳偉豪及陳嘉慧等主演的《你好,我的大夫》反應不俗,他希望劇集能令觀眾對中醫有所改觀。講到籌備中的《巾幗梟雄之懸崖》,有傳男女主角繼續由黎耀祥和鄧萃雯孭飛,方監製冇否認。採訪:杜杜方駿釗透露《巾幗4》卡士,將於3個月內公布。方駿釗大讚黎耀祥和鄧萃雯,對戲劇的熱誠和執着。方駿釗希望《大夫》令外界消除對中醫的誤解,不過,最初他聽到編審提議拍中醫題材也曾懷疑,「中醫畀人感覺好慢,老人家先去睇。」經過資料搜集才改觀,「原來中醫都可以急救,有案例喺飛機上有人中風,中醫師幫佢急救醒返,大學都有得讀中醫,好多啱啱畢業嘅中醫師都係靚仔靚女,於是就想拍個類似《On Call 36小時》嘅中醫版。」方駿釗安排《大夫》演員拍攝前,跟中醫實習大半個月。演員食窮製作組劇集起用多位新生代演員,方駿釗認為可令劇集看起來更有活力,但承認場面有時會難控制,「好快建立到友情,真係會好癲,有時都要叫住佢哋,因為會失神。」監製爆料演員好為食,「通常拍食嘢戲,都係食少少就算,好少真係會食道具餸,但呢班演員無論食乜,都全部掃清光,PA都話食到我哋窮,所以咪越拍越肥囉!不過拍攝氣氛好好,對拍攝都有幫助。」方駿釗大讚黎耀祥和鄧萃雯,對戲劇的熱誠和執着。方駿釗認為演員玩得埋,對演感情戲有好大幫助。方駿釗又指與內地企鵝影視共同推出,在內地拍攝的《巾幗梟雄之懸崖》會以民初為背景,至於主角是否傳聞中繼續由黎耀祥和鄧萃雯孭飛?「仲計劃緊未公布得住。」提到當年以導演身份與兩人合作《巾幗梟雄》及《巾幗梟雄之義海豪情》令他開竅,「佢哋對戲劇嘅執着,每個表情每個反應,都會追溯點解要咁做,會逐個%去講,使唔使做多啲或者做少啲,就算鏡頭見唔到佢哋,都會堅持畀足反應,呢個熱誠令人敬重,令我都唔夠膽偷懶。」除了《巾幗梟雄》,方駿釗還有份執導《巾幗梟雄之義海豪情》。籌備《巾幗4》前,方駿釗跟前監製李勝添取經,「佢有祝福我,但冇話好老套交個棒畀你。」2009年《巾幗梟雄》令黎耀祥和鄧萃雯登上事業高峰,齊封視帝視后。#方骏钊#







2023年9月20日 星期三
獨家丨方駿釗監製冇否認祥仔雯女拍《巾幗4》 外界對中醫多誤解拍《大夫》助消除 #女神
獨家丨方駿釗監製冇否認祥仔雯女拍《巾幗4》 外界對中醫多誤解拍《大夫》助消除
热门文章:
- 人是矛盾的动物,什么都没有的时候觉得什么都是好的,当有了熊掌之后却觉得鱼更好。 #正妹 #女神 #美女
- 分享 … #正妹 #女神 #美女
- @-大杯冰美式 坐标上海 172cm, 仔细看看自己 你也在发光唐山 #正妹 #女神 #美女
- 快訊/南投凌晨規模4.4地震 網友嚇到窗戶都有抖動聲
- Zhu Xudan covers fashion magazine #Entertainment #China #Beauty #Pretty
- 校花美女@张亦佳rose 坐标上海 爱好拍照📷喜欢分享生活 #正妹 #女神 #美女
- 【别再贪小便宜了!】因使用『冒牌Charger』给手机充电,男子在睡梦中惨遭电死!
- Zhang Yuqi at promo event #Entertainment #China #Beauty #Pretty
- "The Pig, the Snake and the Pigeon" stays atop China's box office chart #Entertainment #China #Beauty #Pretty
- Yang Mi, Liu Shishi and Angelababy at Weibo Night #Entertainment #China #Beauty #Pretty