郭柏妍煮飯有一手 讚弟弟有潛質入行 #女神

郭柏妍煮飯有一手　讚弟弟有潛質入行

郭柏妍煮飯有一手　讚弟弟有潛質入行藝人郭柏妍今日（15日）在活動上整作奶昔，她自言煮飯有一手：「因為我細佬同爸爸好鍾意食飯，細佬最近Keep Fit，我有整牛油果多士畀佢，我得一個細佬，所以錫到佢燶。」她踢爆弟弟最近除了Keep Fit又變得姿整，很注重儀容，問是否想入行？她坦言不知道，講到弟弟外表，她說：「佢對眼似我，但佢有啲怕醜。（帶佢入行？）我冇諗過，睇佢想唔想，不過我覺得佢都幾有潛質，佢高過我，好叻打籃球。」不過她推測對方可能有心儀女生想追求，有次凌晨放工，剛好遇見他回家：「唔知係咪送完女仔返屋企，我唔反對佢拍拖，體驗吓都好。（你幾歲初戀？）我冇試過。」她聲稱跟弟弟同是A0人士，又謂大家都比較吸引同性，身邊同性朋友居多。郭柏妍自認煮飯有一手。郭柏妍讚弟弟有潛質入行。郭柏妍