羅霖哽咽談媽媽離世 認失精神支柱︰佢希望我堅強努力生活落去 #女神

羅霖哽咽談媽媽離世 認失精神支柱︰佢希望我堅強努力生活落去

羅霖哽咽談媽媽離世 認失精神支柱︰佢希望我堅強努力生活落去現年59歲的羅霖，昨晚（16日）獲邀出席《東方女神2023》選美活動，作為大會主席評審的她在接受《香港01》訪問時，強調自己選美準則就是「美貌、身材、智慧」缺一不可。羅霖談到媽媽過身，難掩傷感哽咽起來。（葉志明　攝）提到媽媽日前因癌症離世，羅霖都顯得非常傷心，在受訪時更一度哽咽，她表示當時一家人都在身邊陪伴着，希望她能安息主懷：「媽媽一路以嚟都係我精神支柱，佢好錫我三個仔，所以佢都希望我好好堅強努力生活落去。我覺得媽媽走咗先真真正正長大成熟，因為一路以嚟媽媽都係我精神支柱，好多嘢都會依賴佢，包括我三個仔，我相信唯一令佢安慰嘅係最後一刻，我同三個仔都喺佢身邊陪伴佢。」羅霖當晚都悉心打扮出席活動。（葉志明　攝）問到喪禮安排何時及會用甚麼儀式時，她就表示：「暫定10月1日，我就好想基督教形式，但我屋企仲有其他親戚朋友，佢哋希望係冇宗教，我覺得冇所謂都係一份心意。」羅霖談到小兒子，指有見過其女朋友。（葉志明　攝）另外，提到小兒子Jonathan有混血兒女朋友，問到有否見過女方？她就二話不說：「有啊我哋經常都會一齊，（滿唔滿意對方？）因為我細仔都未到18歲，所以我覺得唔使咁快話唔滿意。」表明希望兒子大學畢業才考慮成家立室。candylo罗霖