伍詠薇孖胡杏兒年底美國開騷 順便探親：成廿年冇見 #女神

伍詠薇孖胡杏兒年底美國開騷　順便探親：成廿年冇見

伍詠薇孖胡杏兒年底美國開騷　順便探親：成廿年冇見藝人伍詠薇（伍姑娘）近日患上流感，搞到聲沙沙出席公開活動：「可能早幾日去借衫，唔小心攝一攝，睇西醫（藥）好散，改睇中醫效果慢啲囉。」雖然身體抱恙，她透露日內便要開工拍新電影：「雖然小成本製作，但幾好玩嘅，今次我演女地產經紀。（本身睇樓都好叻？）又唔係喎，身邊朋友睇樓睇得好細微，我就好易鎖定目標，不過好彩好多軍師教路，所以到依家（投資）都未輸過！（好多樓揸手？）揸住隻手就有，總之住得安樂已經好好。（依家樓市回落，想趁低吸納？）都唔會住，睇定啲先，好多心頭好可以揀吓先。」她透露年底將與胡杏兒等到美國開騷，今次將會於三藩市站，順便探望親戚：「講緊係我啲堂細佬妹，有成20年未見過，我真係好少去美國，佢哋又唔返嚟香港，所以冇乜機會會面交流，同埋今次有機會同班傻婆一齊做嘢癲吓，都幾期待。」雖然身體抱恙，不過望落狀態都唔錯。年底孖杏兒開騷！胡杏儿