JPEX案｜林作被捕林母憂心未見兒 莊思敏急飛馬國 #女神

JPEX案｜林作被捕林母憂心未見兒　莊思敏急飛馬國

JPEX案｜林作被捕林母憂心未見兒　莊思敏急飛馬國證監會指虛擬資產交易平台「JPEX」屬無牌經營，執法人員暫接1,408人報案，涉款約10億港元，尋日（18日）執法人員以涉嫌「串謀詐騙」拘捕林作等4男2女。林作母親今日（19日）接聽東網電話，表示「忙緊」，只匆匆答咗句：「未見到林作。（擔心林作？）擔心呀！但都要面對。」林作母親表示自己仲未見到林作。林作昨日被捕。而同被捲入事件中嘅莊思敏，早前將宣傳視頻下架時強調自己同有關公司從未接觸過，只係同佢合作嘅公司同「JPEX」有聯繫，依家佢正身在馬來西亞，並上載片段表示出席朋友嘅孩子升小學宴會，大收奢侈品牌回禮。佢又以Deep V上陣狂講急口令，有網友留言提及JPEX案，並指馬國及香港移交逃犯協定以揶揄莊思敏，不過莊思敏僅以「笑到喊」emoji回覆。同時，有報道指執法人員本鎖定另一娛圈人士，但因其身處海外而未能拘捕。被捲入事件中嘅莊思敏依家身在馬來西亞。見佢上載片段，仍然笑容滿面。仲Deep V見人。莊思敏以「笑到喊」emoji回覆有關JPEX案留言。