香港人在北京｜吳若希浮誇演技獲讚 唔諗衝擊視后：喜劇無戲可言 #女神

香港人在北京｜吳若希浮誇演技獲讚　唔諗衝擊視后：喜劇無戲可言

香港人在北京｜吳若希浮誇演技獲讚　唔諗衝擊視后：喜劇無戲可言洪永城、吳若希、戴祖儀、傅嘉莉、吳業坤等人出席新劇《香港人在北京》宣傳活動。下周嘅劇情發展，將會加入梁漢文，並會與吳若希、戴祖儀一齊jam歌，吳若希表示拍攝時用上現場收音，收製只配上音樂，感覺十分新奇。而提到劇中另一位驚喜現身嘅盧慶輝，吳若希表示：「連同佢講嘢都唔敢，因為佢真係電視上嘅人，感覺真係我細細個就睇佢嘅『伯邑考』（《封神榜》角色） ，曾經都係我好擔心嘅角色之一，而家見佢好似『伯邑考』走到現實咁。」吳若希劇中浮誇式演技獲讚。（陳順禎攝）劇集播出後，吳若希浮誇式演技獲不少內地觀眾讚好，她透露拍攝前已預計會十分消耗體力，但幸好獲觀眾喜愛。問到老公睇完會否有感本色出演，她說劇中嘅小動作或語氣都是自己日常所用。問到有無信心衝擊視后，吳若希認為喜劇較難。「喜劇無咩戲可言，比正劇爭好多level，反正會清晰咗自己嘅路向。」吳若希帶埋一對仔女到場。（陳順禎攝）吳若希與粉絲自拍。（陳順禎攝）而提到公司高層在給員工的信中提到用作品、用收視說話，吳若希表示自己向來都唔太理會傳聞，而作為歌手、演員，最緊要係做到自己想候嘅嘢。《香港人在北京》今日在觀塘宣傳，吸引大批市民圍觀。（陳順禎攝）吴若希