【 新聞女王 】霸氣佘詩曼 惡鬥「手段王」馬國明 #女神

【 新聞女王 】霸氣佘詩曼 惡鬥「手段王」馬國明

【 新聞女王 】霸氣佘詩曼 惡鬥「手段王」馬國明台慶劇《 新聞女王 》，即將於翡翠台隆重登場，相隔六年重返無綫擔正拍劇嘅佘詩曼（阿佘）惹來高度關注，之前阿佘憑無綫經典劇《 金枝慾孽 》及內地熱播劇《 延禧攻略 》中爾淳及嫻妃角色，被指一張「不好惹的臉」嘅佢獲封「宮鬥專業戶」。今次阿佘再度玩宮鬥，舞台由「古代」變成現代、並由宮廷跳至SNK新聞台，期待指數爆燈！首輪官方角色宣傳預告片，主角分別係飾演「SNK News首席女主播」文慧心（Man姐）嘅佘詩曼，以及飾演「SNK News首席男主播」梁景仁（George）嘅馬國明，二人亦分別係「文家軍」及「佐治黨」嘅首領。宣傳片中，型格爆燈的Man姐不但霸氣、傲氣兼備，每句台詞都自信十足：「我喺邊度，邊度就係直播間」、「我都好想知邊個可以坐到我呢個位！」至於馬明，則著重描述佐治政治手腕多於主播能力，當中一句：「玩程序玩規矩你唔夠我玩，鬥小動作？你輸梗呀！」，完全感受到SNK新聞台每天都是腥風血雨。SNK新聞台派系鬥爭，仲涉及Man姐及佐治嘅頭號愛將，分別為「SNK News晚間新聞主播」徐曉薇（ 何依婷 ），及「SNK News晨早新聞主播」許詩晴Cathy（ 高海寧 ）！深信「聽話就是生存之道」嘅曉薇，對Man姐言聽計從，不過表面柔弱嘅曉薇暗地其實暗藏不為人知嘅秘密及陰暗面…相反自信爆棚嘅Cathy，由於自覺外形及實力出眾，加上盡得佐治真傳擁有全方位高超手段，令「佐治黨」對「文家軍」造成極大威脅。今晚第二輪官方角色宣傳預告片中，除咗有高Ling如何扮演SNK「性感擔當」精選場面，仲有何依婷精彩變面片段，密切留意。