已過大禮！何依婷搞小型婚禮 唔請佘詩曼李施嬅 #女神

已過大禮！何依婷搞小型婚禮　唔請佘詩曼李施嬅

已過大禮！何依婷搞小型婚禮　唔請佘詩曼李施嬅藝人何依婷早前在社交平台分享婚照宣布與圈外男友結婚，她今日（27日）在活動上透露已過大禮，但仍未註冊結婚，而婚禮則安在下個月舉行，而婚禮亦籌備得差不多，她笑言：「原來我都唔係執着嘅人，好似舞台唔夠高，啲花擺唔到呢啲我都冇所謂，少少唔開心都冇，因為婚禮只係一日，但婚禮係一世，我同未婚夫都唔想因為個婚而嗌交，我哋好佛系。」她又指婚禮只會邀請摯親好友，不會大排筵席，而姊妹團亦包括圈中人，包括張秀文、鍾晴、蔡嘉欣及陳詩欣，又直言會向下月初結婚的蔡嘉欣取經。提到在《新聞女王》中與馬國明激咀，她表示近日工作繁忙，故沒有追問未婚夫可有收看。至於婚禮可會邀請佘詩曼（阿佘）和李施嬅？何依婷說：「冇位呀，我只係搞小型婚禮，佢哋會明白，同埋之前劇集首播食飯，佢哋都見過我未婚夫。」阿佘日前在訪問中揶揄她跟劇中角色沒反差，被指帶有火藥味，何依婷大方回應說：「佢講笑啫，我識佢嘅人唔係咁嘅意思，或者佢太入戲，Man姐就係咁！」對於被網民批評演技浮誇，何依婷表示無論被踩或被讚都會繼續努力，亦不會不開心，強調對自己有要求，一定會比之前進步。大送心心！何依婷準備結婚。好Sweet呀！何依婷（右起）唔會請佘詩曼同李施嬅飲。何依婷