朱智賢行山拗柴右腳骨裂打石膏：痛咗8日先睇醫生 #女神

朱智賢行山拗柴右腳骨裂打石膏：痛咗8日先睇醫生

朱智賢行山拗柴右腳骨裂打石膏：痛咗8日先睇醫生藝人朱智賢（朱朱）早前相約陳婉衡、簡淑兒到西貢行山，點知朱朱不幸回程期間拗柴，事後她都有於社交網分享傷勢，右腳腳踝紅腫一片。她昨日於社交網PO出打了石膏的照片，接受東網訪問時朱朱謂：「咪嗰次拗柴囉！我痛咗8日先去睇醫生，先發現原來係骨裂，我真係成世人都未拗過柴，以為感覺就係咁，啲人又同我講拗柴係冇咁快好番嘅，要痛多幾日，我都有問人我會唔會係骨裂，佢哋話骨裂我就行唔到，我咪遲遲冇睇醫生，到第8日我痛到忍唔住去睇骨科，先發現裂咗，所以直至依家先打石膏囉！」樣靚身材正。認真陰功。由於這兩天天氣寒冷，她坦言腳趾甚凍：「好唔舒服，我石膏打到上小腿，我成日覺得自己好似未除鞋，瞓唔到覺。」由於受傷的腳不能濕水，故朱朱現時要包膠袋，舉高腳沖涼，認真陰功，她都大呻謂：「人一世物一世，咪乜都試吓囉！我咁大個女未拗過柴、未諗過骨裂，又未打過石膏，依家咪一次過試晒囉！」受傷都仲要陪愛犬睇醫生，真係一位負責任嘅好主人。希望早日康復！朱智贤