楊紫瓊晒BB腳仔相嗌奇迹 網友驚訝：2024年做媽咪？ #女神

楊紫瓊晒BB腳仔相嗌奇迹　網友驚訝：2024年做媽咪？

楊紫瓊晒BB腳仔相嗌奇迹　網友驚訝：2024年做媽咪？享譽國際影壇嘅61歲馬來西亞華人女星楊紫瓊，去年於奧斯卡金像獎中勇奪「最佳女主角」，成為奧斯卡首位亞裔影后，之後即與拍拖19年嘅法國富豪男友Jean Todt，於去年7月喺瑞士結婚。今日（2日）楊紫瓊突然公布重磅喜訊，佢上載咗一張用手掌托住BB腳仔嘅相，又留言：「2024年第一天的奇迹，我們真的很幸運，無法言喻我為這個禮物感到多麼高興。（A little miracle on the first day of 2024 we are so truly blessed… can't tell u how happy I am for this very very special bundle of joy ）」因為佢冇表明孩子屬於邊個，以佢61歲之齡生B實在令人驚訝，因為有網民估計係佢繼子Nicolas Todt嘅BB，亦有人懷疑楊紫瓊搵代母產子，誕下元旦B。稍後，有「黑珍珠」之稱嘅英國超模娜奧美金寶（Naomi Campbell）留言恭喜：「恭喜晒紫瓊及Jean！（Congratulations Michelle & Jean on your beautiful bundle of joy！）」楊紫瓊及後再發文，解釋指其實是榮升祖母：「感謝Nicolas及Darina令我們成為祖父母，歡迎baby Maxime。（Thank you darling Nicolas and Darina for making us the happiest and proudest Grandparents!! Welcome baby Maxime！）」BB腳仔相？咁突然？楊紫瓊仲話係奇迹，令網友好多聯想。唔知佢到底係做媽咪定嫲嫲呢？杨紫琼