据香港东网报道：正所谓食得多山珍海味，都会想食吓粗茶淡饭。艺人#李施嬅#最近似乎爱上搭港铁，早前佢特意到访金钟站，观摩一下自己代言嘅美容广告，仲同自己嚟个Selfie留念。寻日（23号）佢再次纡尊降贵，约埋有米闺蜜#赵希洛#一齐搭港铁，几分钟过到对面海，难怪佢大赞："过海的最好方法。"睇嚟搭铁路搭上瘾，@李施嬅selena 提议《#金宵大厦#》系列应该要有个"厮杀列车"单元故事，乘机为佢同@趙希洛Candice 有份演出嘅#TVB# 新剧《#金宵大厦2#》宣传。
#吴若希#为老公#何兆鸿#（Alex）诞下一对仔女，就算升呢为父母，两公婆依然会抽时间享受二人世界，撇低仔女出去拍拖，呢日佢哋搭巴士游车河兼雨中漫步，贴地又甜蜜。此外，吴若希亦晒出同老公喺圣诞树前嘅恩爱合照放闪："次次叫何生影相，佢个样都会劲尴尬～得一个情况佢会自然d～就系畀佢钳住我既（嘅）时候。你睇下（吓）佢个样，几精灵～几似我个仔？！"而麦美恩忍唔住留言再催生："系时候今晚生多个！"
2021年12月24日 星期五
据香港东网报道：正所谓食得多山珍海味… #香港 #娱乐
据香港东网报道：正所谓食得多山珍海味…
