佘詩曼現身長洲 「微服出巡」少女味濃視后佘詩曼近日忙於拍攝新劇《新聞女王》，呢日佢去到長洲拍外景，身為「吃貨」嘅佢當然唔放過呢個機會，盡情於長洲覓食狂擦海鮮，佢又晒出靚相，見佢便裝上陣，於單車前打卡，簡單造型已經好省鏡，而且未埋位前佢都企定定喺大街大方拍照，一啲架子都冇，認真貼地。佢留言表示：「《新聞女王》仍在拍攝中，尋日入咗長洲拍，收工緊係落去食海鮮啦，超好味，正到暈！不枉我來回上落山行咗半個幾鐘，值！ 」佘詩曼近日去到長洲開工。於大街打卡好貼地。便裝上陣滲少女味。當然唔少得食海鮮。佘诗曼
2023年6月8日 星期四
