獎門人丨林夏薇Bar Top上陣演繹「十號風球」搖來搖去 張曦雯扮便秘勁神似 #女神

獎門人丨林夏薇Bar Top上陣演繹「十號風球」搖來搖去 張曦雯扮便秘勁神似

獎門人丨林夏薇Bar Top上陣演繹「十號風球」搖來搖去 張曦雯扮便秘勁神似TVB特備節目《獎門人開心Party感謝祭》於今晚（12日）播出，今集「獎門人」曾志偉帶領「獎老」錢嘉樂、阮兆祥、金剛、麥美恩和林秀怡擔任主持，兩隊嘉賓陣容來自兩線熱播劇《寵愛Pet Pet》和《破毒強人》，《寵愛Pet Pet》隊有林夏薇、周嘉洛、徐榮、黃子恆、古佩玲和何沛珈，《破毒強人》隊有陳豪、蕭正楠、何廣沛、張曦雯、郭柏妍和朱智賢。一眾主持今集以hit爆Barbie造型亮相，搞笑又搶眼。【點擊搶先睇今晚獎門人】：當然要來個Super大合照。一班主持嘅Barbie造型好吸睛。麥美恩好粉吓。金剛又做錯嘢。「寵愛Pet Pet」隊成員包括徐榮（左起）、古佩玲、周嘉洛、林夏薇、何沛珈、黃子恆。今集「開心無敵傳紫菜」搞搞新意思，除了傳紫菜，還會傳藝人照片，其中傳到金剛的照片時，蕭正楠搞鬼地將照片掉在地上並狠狠地用腳踩，惹來金剛投訴：「點解要咁對我，我都仲未『屎』，你唔可以咁踩我！」場面搞笑。之後金剛獲安排與錢嘉樂、阮兆祥傳紫菜，被金剛Chur爆的錢嘉樂眼泛淚光，相當可憐。今集有新遊戲「開心無敵一齊吹」登場，每隊各派出一名隊員出賽，鬥快將管中物件吹進對方口中為之勝利。蕭正楠決戰徐榮時，徐榮不用一秒鐘便將水曱甴吹進蕭正楠口中，被嚇窒的蕭正楠咬着水曱甴呆站原地；陳豪決戰周嘉洛同樣有睇頭，好勝的陳豪吹到「紅到面晒」，最後成功將蟬吹進嘉洛口中，向來玩得的嘉洛更直接將蟬食落肚，相當犀利。是集雲集一班好戲之人，玩「開心無敵以訛傳訛」時大晒好演技！當中視后薇薇演繹「扯線公仔」和「十號風球」時相當神似，睇到大家拍爛手掌。之後周嘉洛大放笑彈，扭身扭勢兼拉高上衣演繹「脫衣舞孃」，表現搶鏡；張曦雯則拋低女神包袱扮「便秘」，場面搞笑。「開心無敵口噏噏」同樣爆笑連場，輪到嘉洛估時，他竟連極度翹口的「奶奶拉筋拉親條肋骨，唔知飲碗雞龜湯嚟做乜」都估到，簡直神乎其技。