星岛：林奕匡想演戏：好乐意做反派 做艺人好攰去旅行都要分享
睽违两年，林奕匡（Phil）推出带有蓝调味道的新作《台前幕后》，MV邀请了首度合作的王敏德演出，好锺意演戏的Phil表示只要有适合角色，未来都想演戏，演反派都冇问题。
採访：杜杜 形象:Exactly the Sam 髮型:Kenki @w.work.shop
化妆:CarmenC 服装:Sandro
Phil已推出了10张专辑，不想为做而做，所以今次花了很长时间开拓新曲风，"其实要做新嘢唔係难，但做新嘢又要令到大家喜欢就唔容易，唔容易嘅嘢先至值得追求。"另外，近年他写了很多歌给别人唱，"上年写得最多，写畀人少啲包袱，新合作一定有新火花。"
冇嘢要交代最享受
T-Rexx写的《台前幕后》，认为每个人面对工作，好似身处台前，会包装及美化自己，返到台后就会放下盔甲，展现真我，Phil觉得艺人的差别更大，可以避开公众目光的时间很少，"艺人连去旅行都係半工作，要分享做咗啲咩，我最享受冇嘢要交待嘅时候，譬如同屋企人、太太，或者好朋友吹吓水，将工作放低，又或者做运动，写歌都係，当然亦都係工作一部份，但音乐最原始嘅作用，就係令人放鬆同开心，玩音乐就係玩，有时写写吓歌，我都会自己玩吓唱吓。"
入行14年的Phil，形象一向乖仔，他明白外界会觉得闷，都想试更多新嘢，特别是演戏，"觉得好有趣，可以抽离自己去做同自己完全唔似嘅嘢，非常神奇。"特别想演跟自己反差大的角色，"动感啲又好，或者反派我都好乐意㗎！我平时畀人感觉咁乖仔，要我去闹人应该唔容易，要做好多准备，但我相信会好爽。"
